اجمل واروع ما قيل في العيون

عيونك زي سحابة صيف تجافي بلاد وتسقي بلاد
وزى كلماتا بتتاوة تتوة لمن يجي الميعاد
وزي فرحا يشيل مني الشقا ويزداد
وزي عيدا غشاني وفات عم البلد اعياد
وزي وطنا وقت اشتاقلو برحل لية من غير زاد
بدون عينيك بصبح زول بدون ذكري وبدون ميلاد
عيونك كانوا فى عيونى
ينادوني يصدونى اقول يمكن حبوني اقول يمكن يصدوني
عشقتك وكان مجرد حبي ليك محال
عينيك سفر ومشوار عذاب ارهق خطاي وعذبها
عينيك كون ينبوع حنان لمن تثوب ما اجملها
عينيك بدور فيها السفر واسهر مع عينيك كتير واتاملها
وحياة عيونك انا مابخونك
كيف يهون ارضي واخون اجمل عيون استاهلا

عابر طريق فايت نام في العيون وارتاح
عيون حبيبي ديار تستقبل السواح
بشوشة طول اليوم سرحانة في الأحلام
الاسود النشوان زورق من الالحان
فوق البحار البيض سابح بلا ربان
مكتوبة فوق سطحة قصة حياة انسان
أملاكة في العالم رشة وضمير وكمان
اجمل عيون عندك يااجمل الحلوين
نجدة غريب ومنار برجع التايهين
تايه انا وحيران رجعني للعينين
كلمني يا حلو العيون اسرني صمتك يا حنون
كلمني حاول حس بي
كلمني وارمي اللوم علي
كلمني والكان يكون
كلمني ياحلو العيون

أقوليها عويناتك حجار لولى بحار ياقوت
مناحات ريد حزاينية بقابل فيها مساكين
وفى شرف العيون بقول ليها ودر جراحاتى
***************
أقول ليها عيونك زى سواد قدرى مكحلة
عمرى من بدرع آآآه من بدرى
و لو بقدر أسافر فى بريق لحظك و ما أرجع
تقول لي خايفاك بكره تتوجع ...... آآآه تتوجع
عيونك ذي سحابة صيف تجافي بلاد وتسقي بلاد
وذي فرحا ً بيشيل مني الشقا ويزداد
وذي كلمات بتتأوه تتوه لمن يجي المعياد
وذي عيدا ً غشاني وفات وعاد وعم البلد أعياد
وذي رفح البعيد العاد
وذي وطنا ً وكت أشتاقلو برحل ليهو من غير زاد
بدون عينيك بصبح زولا ً بدون ذكرى وبدون ميلاد
العيون السود كاحلات يجرحنك ما سائلات
مره نظرن لى اوقفن شالن نوم العين ما الطفن
ياخى ديل عيون حبيبى
العيون الشاربة من لون الشفق عند المغارب
ديل عيو نكسيدى سيد الناس يا اغلى الحبايب
عيونك غيمة والاهداب ظلال لاقيتا يوم طشيت
وكفك فى شتا الايام كثير ضميتا وادفيت
ديل عيونك ولا واحة ولا للشوق استراحة ( جيلانى الواثق)
العيون العاجبا سيدا نحن برضو بنشتهيها
سلميلنا علىء عيونك يوم تسهى تغروديها ويبقو تفاحتين خدودك بس خدودك وين شبيها
يا أمنيات من كم سنة ..
ويا أغنيات كل الأماسي المستحيلة وممكنة ..
المستحيل عينيك تهون ..
والمستحيل قلبك يخون ..
ما القدر ما طبع الوفاء والصدق ما شرط إنتفا
في عينيك عشم باكر ..
ما إنــت العـــمر كلــــــــه ... والشـمـس الـوشـاحـة ورود
وزغـرودة بـتـزف للناس ... خـبـر زمنــاً جــديد مـولـود
لقيت غيرك بضيع إسمي ... وأكون أنا حي وزي مفقـود
وفي عينيك عشم باكر ..

السيف فى غمده لا تخشى بواتره وسبف عينيك فى كلا الاحوال بتارو
عينيك يا اعز الناس عينيك فيها علم الطب عينيك علمتني احب
في عيونك سر كتمتو
بس مشاعرك ليه تخونك
حبي ظاهر وانت حبك
كل كلمه من شفايفك
احلى غنوة
كل نظرة من عيونك
فيها سلوى
كل نسمه من ديارك
فيها نجوى
يا غاير علي وأنا هايم في دنيا هواك
لو تسأل عيني تنبيك كم أقاسي هواك
يا شايل منامي وخليت الفؤاد مجروح
سايل دمعي هائم يبكيك يا حبيب الروح
ياحبيبي الدنيا ما احلاها
بديعة وحلوة بين ايديك
فهل أيامي تنساها
إذا ما غبت عن عينيك

قعدتك جنبي وعيونك
سارحة في الدنيا البهية
خوفنا من سفرا يودي
للمسافات القصية
العيون النوركن بجهرا
غير جمالكن مين السهرا
يابدور القلعه وجوهرا
عينيك وحاتك غربتي واهلي وبلادي الفيها ضايع لي زمن
وكنت عاوز احكي حكايتي معاك الف
احكيك وازيد القول ولف

رجيتك وفى انتظار عينيك
كملت الصبر كلو
ولمن راح زمن جيتك
وخطاك فى دربى ما طلو
شفقت عليك من السكه
دموع عينى وراك كملو
يا بهجة يا فرح الحزين ...
آمنت زيك ما بكون ...
أجمل عيون فيك شفتها ...
عيون المها مابتشبها ...
مني الكلام بيضيع دوام ...
قدامك ألقاهو إنتهى ...
حسنك بديع معدوم مثالك ..
حير قلوبنا وصف جمالك
رسيني فوق هدب العيون أو في تصافيف الشعر
أحميني من جور الزمن يا بوحة من ايد القدر
خليني في جواك سلام او بسمة فوق احلى الدرر
صدفة وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا
النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك
ماانت في ذاتك قصيدة بالله بس كيف اكتبتك
احترت وين القي الكلام الفيهو اقدر اوصفك
لو قالوا بس انت الجمال القي الجمال ده مكملك
لو قالوا شعرك ذي حرير حتي الحرير مابشبهك
لو الزهور فاحت عبير شايلة العبير من بسمتك
لو قالو بس ان القمر ده القمر بضاري من نور طلعتك
ماانت في ذاتك قصيدة بالله بس كيف اكتبك
كل كلمه من شفايفك
احلى غنوة
كل نظرة من عيونك
فيها سلوى
كل نسمه من ديارك
فيها نجوى
وكل همسه يا حبيبي
عندى حلوة
وقول حكم الاوصاف
أنا من عيونو بخاف
الناضر اللطاف
إن شاء الله حبي يدوم ويدوم هناهو
وقول حكم الاوصاف
أنا من عيونو بخاف
الناضر اللطاف
إن شاء الله حبي يدوم ويدوم هناهو
كل من قال يا حبيبى افتكرته
يشير اليك
واى عاشق لو تغنى
قلت لازم شاف عينيك
عز من بعدو التلاقي
رغم قربي واشتياقي
طرفي متزايد سهادو
وجسمي زاد انتحالو
ايه يكون في نظري زادوا
سود العيون كأنها
شربت ينابيع السحر
وكأنّ ليلات المحاق
كستهم خصل الشعر
وضجّ السكون .. فى وحشتو
والكان أمل فى عيونى لاح
ذوب مدارات فرحة الوهج
النضير المزدهر بالإرتياح
فجأة إنحصد قبضة رياح
وسكت الكلام يا حلوة
فى القول المباح

أجمل عيون عندك يا أجمل الحلوين
نجدة غريق ومنارة بيرجع التائهين
يا أجمل الحلوين
وكنت راجع لي عينيها ..
من أسى الزمن المسافر ..
في المشاوير العصيبه ..
من متاهات الأماسي ..
من متاهات الحزن ..
مضمناها وحبيبه ..
بيني لا بينك مسار ..
لا محطات إنتظار

العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو ماتقول برحمن
القمر بوبا عليك تقيل
لمحتك … قلت بر آمن بديت أحلم ..
ألملم قدرتي الباقية … وأشد ساعد على المقداف ..
تلوح لي مدن عينيك … وترفع لي منارة بسمتك سارية ..
كل ما الريح تطارد الموج ..
أزيد إصرار وألحق بيك ..
أغير سكة التيار ...
وأقول يا إنت يا أغرق !!
ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة

بشوف في شخصك أحلامي
ودنيا تفيض بأنغامي
وسحر الدنيا في عيونك يبعد عني أوهامي
بشوف الكون جميل وبديع
مر أيامي يبقى ربيع
احب الدنيا لي حبك
ويسعد حبك أيامي

بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لس شوق
ونازِل
في حنان ليهاَ
لازلت مأسورك .. وما قادر أزورك
ملأ العيون نورك .. كشف الظلام بسمك
وأتجلى لي رسمك .. شخصك ملأ عيوني
ولو أقدر أسافر في بريدك لحظك وما أرجع
تقول لي خايفاك بكرة تتوجع
باقة الحب الحنون
لك من عيونى
دمعة المزن الهتون
لك من جنونى يا جنونى ألف لون
لك من فؤادى ما يكون ولا يكون
ولك السلام ولهفتى

أحلى فصول العمر حنانك
أجمل حتة لقيتَ مكانك
أجمل سكة مشيتَ عيونك
أحبك أحبك أنا مجنونك
ساكن فيني هواك وبريدك
جوا القلب النبض يصونك
نظراتو كيف أوصفا دي في عيوني مدونا
ضحكاتو لو شفتو البروق لحظة تشع ترشح سنا
بسماتو تحنان القماري الراجعة للعش والجنا
ويضوي والليل ينهزم محبوبي وكتين يبتسم
الدنيا يا ناس تنقسم الفرحة تملاها وتزغرد فيها
والشوق يترسم

حلوة عينيك زى صحابى
وزى عِنب .. طوّل معتـّق
فى الخوابى
وسمحة زى ما تقول ضيوفاً ..
دقـّوا بابى
.. فرحى بيهم سال .. ملا ..
حتى الكبابى

في عينيك تظهر لي دنيا
دنيا شوقك فيها ظاهر
الاماني الحلوه هايمة زي بحور ما ليها اخر
الكليمة الطيبة منك زادي
وحياتك لي باكر
والامل فارد جانحو ديمة زي عينيك مسافر
والله مشاتقين
الغروب يسألني منك امسياتنا في شوق اليك
الرمال الناعمة مشتاقة لي مشيك
الطيور الراحلة في ظل المساء بتسال عليك
كيف تفارق الضفة والنيل هان عليك
والله مشتاقين
طال علينا فراقكم والله يا غايبين
قدر ما ننسي العلينا برضو مشتاقين
ننساك انت انت بتتنسي ؟
ما انت روحنا وحبنا
سافرنا في عينيك ولسة قلوبنا متجننة
غاب المساء والكون صبح
لوحة جمال يتأملوا
كل الحروف الفي الخيال اتلفوا فيك اتغزلوا
قالوا الجمال يا غالي بيك كانت نهايتو واولو
اصلوا في هواك يا غالي لا نطيق بعاد لا بنحلمو
اصلو المحبين الحنان لا بيقسو لا بتحولو
يا نور العين انت وينك وين
قلبي الحابيك ما خان لياليك
ما نسى الماضي ما تقول ناسيك
مابدل حبه ابداً ما اتنكر ليك
لكن الأشواق والناس حواليك
الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

ما بنختلف درسني بس قانون هواك
بحفظ حروفو حرف حرف
أول بشيل الضمة ديك واسكت حروف حرف الوقف
وأخفض عيوني أمام عينيك واحفظ ملامحك بالوصف
أنا ببقى زي قيس يا جميل ابكي واجف اشكي واعف
ونرجع الريد الزمان القالوا عند الناس خرف
سيبوني بس على بلوتي .. لمين أقدم شكوتي
ما بين صحاي ونشوتي .. وما بين أماني وروعتي
من العيون الساحرة .. حسن الخدود الناضرة
شفت الهلاك فيهن قريب .. يوم الوفا كان يوم عجيب
صدّع عزيمتي وقوتي
الرهيف قلبو البعيش في شكه اكتر من يقينو
تستبيهم نظرة جارحة وتحترق بالحب سنينو
قلبو عايش في العيون الشاربة من حبو وحنينو
وناكرة حتى إنو إنسان يسعى لقلبو يعينو
حاير في امري معاك وعيوني حيرانا
في امري والانجم من سهدي غيرانا
الغمده تهجرني والليل يسامرني
تحمل نسيم شذاك ياروحي ما احلاك
لي زكريات مفرحة ديمة العيون تفضحها
زهر الربيه فتحا تدمي القلوب نجرحا
آسرني برقتا بي كلاما في مشيتا
أتمنى أنا ليمتا تغمرني بمحبتا
انحنا حلفناك بالغرام والريد
بي صفا الأحلام في عيون الغيد
وبالقليب الضاق لذة التسهيد
ابقى زاورنا حتى يوم العيد
علمى عيونى السفر
ما البسافر فى عيونك
سكتو تبقى سلامه
ينسى أحزانو .
ويعرف الدنيا جنبك إبتسامة
ظللى الناس بى حنانك
أبقى ليهم ضل غمامة
الحنان الفى أحلى نظرة .....وابتسامة
فى خيالى احلى ذكرى
بالأشارة ....نظرة عابرة
شفت حبك
كنت قايل ...كنت فاكر
الجميع عارفين محبك
والعيون راصدانى لمن ..ابقى جمبك
وتبقى ذكرى ..فيها انت وفيها قلبى وفيها قلبك
يا اغلي من عيني واحلي من ابتسامتي
احن من المحني في رقة سلامي
بعادك طال... بعادك طال
مكتوب في جبيني حبك وانت عارفو
باين في كلامي في عيني شايفو
قلبي دعاهو حبك ما بقدر يخالفو
لكن بعادك طال... بعادك طال
يا اصدق مودة عاشت في الضمير
تقاسمني المسرة تملا فؤادي نور
انسي معاك صعابي يهون امرى العسير
لكن بعادك طال ... بعادك طال
اقول ليك يا حبيبي غيرك مافي تاني
ليك نذرت عمرى ليك رقيق حناني
من جنات هوانا نهدي الناس اغاني
بعادك طال ....بعادك طال
عيوني وعيونك اسباب لوعتي
اسباب تشوق نظرتك اسباب نفورك ونظرتي
في الصدتذيد في خبرتك
في الحب اذيد في خبرتي
هواي يا هن فكرتك المرة ضغتة بفكرتي
..... ......
عيوني وعيونك اسباب لوعتي
انت الذي اتعبتني وانت الذي فيك راحتي
لوان هلاكي ولي دنيت
احي وتحن هي فرحتي
كم استقثت وكم دنيت من سقمي اتلاشت صحتي
كم رددتاهاتي كم دوي في الافق صدي صيحتي
..... .....
عيوني وعيونك اسباب لوعتي
جيوش اشتياقي هزمتني ذالت انتي
لو كنت قربي بأثرها اجعل لحاظك سنتي
يا نوري يا ..يا ناري يا.. يا جنتي
يا نوري يا ..يا ناري يا.. يا جنتي
بهوي الهلاك في هواك
وبتخذ العوازل سنتي

ليه بتسأل .. ديمة بتامل عيونك
ياعيونى فى عيونك
باقة من ذكراى بتعطر فنونى
باقة من اشراق صباى فيها حبانى النسونى
فيها ليلات الفرح والاماسى الفى السنين
شن اسوى غير اعاين
غير اطيل النظره واتونس و اونس فى العيون
فى العيون الديمة بتفتح عيونى
ده البجنن شوقنا فينا
انو فى عينيك زمان بى حالو ساجد
والفرح الكان بعانق فينا ايام الفرح تلقاهو ساجد
والبراءة الكان بتتوشح طفولتنا وتناهد
والسهر آنسنا فيه الليلة فيها الليلة اتهجد
ساوى فى عينيك معابد ياعيون
مشتاق نعاند فيها تتلون تلونا وتعاند ياعيون
وبرضو تسال وديمة بتامل عيونك ياعيونى
وفى عيونك باقه من ذكراى بتقطر فنونى
حلوة عينيك بى زمانه والزمان الفينا شايلنا ومسافر
مرة ماضى .. ماضى غابر مرة حاضر .. حاضر ومرة باكر
***********
فى عيون طفله .. صباح العيد بتملا البيت بشائر ياعيون
المسافر لسة ماحط الرحال قال يشوفكن يلقى نفسو
فى بحوركن .. بحوركن خلى رحلو وقال مهاجر
ساب ديارو وقال مهاجر ذكرياتو وقال مهاجر
وبرضو اسال وديمة بتامل عيونك ياعيونى فى عيونك
باقة من ذكراى بتعطر فنونى باقة من اشراق صباى
فيها حيانى النسونى فيها ليلات الفرح والاماسى بالسنين
غابن وضاعن فى السنين وبرضو بسال وديمة بتامل عيونك
عيونك غيمة وردية
وليلة حب فرايحية
وضحكة طفلة
ما بتعرف تشيل الهم
وكت نديها عيدية
عيونك ما سراج وهاج
وسيف أوهاج
وسر كرم أهلي
قلت ليها
وكنت راجع لي عينيها
من أسى الزمن المسافر
في المشاوير العصيبه
من متاهات الأماسي
من لا متاهات الحزن
مضمناها وحبيبه
بيني لا بينك مسار
لا محطات إنتظار
لا مواعيد قريبة
إنتي يا الفرح الحقيقي
المستحيل
هدهدي الصبر الجميل
وأمسحي الألم المخيم
في مدارات الرحيل

عضو عدد الرسائل : 199 تاريخ التسجيل : 09/02/2008

والله طبعا مبالغة ربنا يديك الصحة بالجد كلام في قمة الابداع
تسلم تسلم تسلم يا غالي وتقبل مرورى اخوك البوكا

اخي البوكانيرو
باقة من ذكراك بتعطر فنونى
وباقه من مرورك افرحتنا واسعدتنا